旅行美丽的上堡梯田(上堡梯田旅游攻略)

因为《舌尖上的中国2》，大家认识咗江西省赣州市崇义县嘅上堡梯田同埋“九层皮”。

九层皮係用上堡梯田出产嘅米磨成米浆，加入植物榨汁出嚟嘅有色汁，层层蒸熟，如是者蒸够九层。九层皮本身无味嘅，食嘅时候当地人会点豉油，我哋广东人食惯甜糕，觉得点砂糖好似好味啲。有啲黐牙，但係满口米香。

另一个真正令我印象深刻嘅，就係佢哋嘅米粉。望落去好似桂林米粉，但係比桂林米粉幼，咬落爽口软滑，米香味浓。

最正係佢哋用个搪瓷面盆嚟装（估计唔係用嚟洗面洗手洗脚嗰个啩，如果係，应该更添风味），豪气啊！

正餐安排我哋十菜一汤。

我哋饮过鸡汤、鸭汤、猪肉汤。汤都好简单，鸡汤就净係鸡加几片姜，其他汤如是，但係味道浓郁，营养丰富！

最惊喜嘅係笋，呢度嘅笋无以往食开嘅笋嘅霉味，好好！

仲有三餐都有嘅豆腐，豆香味浓。瓜菜都特别清甜可口！

呢度就係我哋住嘅地方——梯田假日饭庄。

里面係好传统嘅摆设。一家人喺度经营。

厨房仲係烧柴嘅。

自养农家鸡。

上堡嘅人民仲係比较淳朴嘅，虽然都有唔少旅店、农家乐，但係未至于到处都都係买嘢嘅人，大部分仲係农民，喺田度农忙。

我哋喺半路遇到一位大妈，姖好似问我哋嘢，沟通咗几句都听唔明。大妈知道我哋听唔明就笑笑，最后讲：“下雨地滑，走路小心啊！”哎！呢句听得明喎！

雨后行山间小路，空气清新，特别身心舒畅！

沿路好多小植物。

树上挂住好多小水滴。

益母草呢个名听就听得多，原来係咁样嘅！沿路都有好多。

松树结果？

上到山，可以见到好多平时难得一见，甚至从来未见过嘅小昆虫、小动物、大动物！

雨后嘅树上，爬满金龟子。

不知名甲虫，好威武！

唔知係蝴蝶定係蛾，翅膀上有两只眼睛！

蓝色嘅乌蝇！

有田就有牛耕田。

各种农家鸡鸭。

落雨落到啲鸡变落汤鸡。

行行下山路，见到有只狗。后面有人大叫：有狼啊！

喂！咩料啊？！

山上有好多狗，农家养嚟看门口嘅。悠闲。

嘿！畀团友影到我影相！两日keep住落雨，根本无机会除低件风衣。

大合照！